++ [[ معــكرونه ولا اروع من مطبخـــي ]] ++

مرحبا بنات و شباب اليوم جبتلكم معكرونه سريعه,, الكل يقدر يسويها ومقاديرها في كل بيت,,
ولأني من عشاق المعكرونه يم يم بس ما احب الحوسه خاصه في هالجو البارد,,
بس هاذي بسيطه وطعمها يم يم ويالله نبتدي اوه لحظه شوي خلني استعد الحين يالله خخ


المقادير :
كيس معكرونه تسلقينه ,,

4طماطم صغيره مفرومه ,, وشوي فلفل رومي اخضر للطعم,, ومكعبين ماجي دجاج,, و بقدونس حسب الرغبه ,,
وتقدرين تحطين عود فلفل حار ,,

معجون طماطم ,, وفاصوليا جاهز ومعلب بازلاء اخضر,,

وطبعا بهارات,, الي تحبينها انا خليت,,
فلفل احمر مطحون وبهارات مشكله,, وملح وليمون اسود مطحون ,,

الطريقه :

نذوب الطماطم .. مع قليل من الزيت مع مكعبات الدجاج ,,

ونخلي معجون الطماطم والبهارات ,, بعدين نخلي الباقي البازلاء والفاصوليا والفلفل والبقدونس ,, وبتتكون صلصه كثيفه اذا حبيتي تخففينها بالماي ,,

بعدها نخلي المعكرونه ,, ونقلبها مع الخليط ,, وهذا شكلها النهائي ,,